ምልክቱ ስለቀነሰ ለአባላዘር በሽታ ሕክምና መታከም ረስተው ያውቃሉ? አብዛኞቹ የአባላዘር በሽታዎች በራሳቸው አይጠፉም። ሆኖም ምልክቱ ለተወሰነ ጊዜ ሊቀንስ የሚችልባቸው አንዳንድ አጋጣሚዎች አሉ። ይህ ሊሆን የቻለው ተላላፊው ህዋስ ወደ ሽታ ከመፍጠሩ በፊት በሰውነታችን ውስጥ በድብቅ እየቆየ ባለባቸው ብዙ አጋጣሚዎች ነው። ሙሉ በሙሉ ተፈቷል ማለት ላይሆን ይችላል። 

በአንዳንድ ሁኔታዎች ተላላፊው ረቂቅ ተሕዋስያን እንደ ሄርፒስ (Herpes) በነርቭ ውስጥ ተኝተው ሊቆዩ ይችላሉ። እንደ ቂጥኝ (Syphilis) ባሉት ጊዜ ደሞ ከአንድ የኢንፌክሽን ደረጃ ወደሚቀጥለው ደረጃ ለመሸጋገር ጊዜ ይወስዳል እና ይህ በሽታ የጠፋ ሊመስል ይችላል። እንደ HPV ወይም HIV ባሉ ሌሎች ሁኔታዎች ደግሞ ኢንፌክሽኑ የመጨረሻ በሽታ መልኩ ለመታየት ዓመታት ሊወስድ ይችላል። 

ሊታወቅ የሚገባው ዋናው ነገር ካልታከሙ በስተቀር አሁንም በድብቅ ሆነው ይቆያሉ እና በሽታውን ወደ ማንኛውም የወሲብ አጋሮች ያሰራጫሉ። በተጨማሪም አንዳንድ በግብረ ሥጋ ግንኙነት የሚተላለፉ ኢንፌክሽኖች ምንም ግልጽ ምልክቶች ሳያሳዩ ሊከሰቱ ይችላሉ፣ ይህም ህክምና ለማግኘት አስቸጋሪ ያደርገዋል። ምንም እንኳን የተለያዩ አቀራረቦች ቢኖሩም አብዛኛዎቹ የአባላዘር በሽታዎች ለረጅም ጊዜ የሚቆዩ የጎንዮሽ ጉዳቶች እና ካልታከሙ ጤናን የሚጎዱ ናቸው። ስለዚህ ምልክቶችን እንዳዩ ወይም ምልክት ካላቸው ግለሰብ ጋር የግብረ ሥጋ ግንኙነት ከፈጸሙ በኋላ መደበኛ ምርመራ እና ሕክምናን አጥብቀን እንመክራለን።