አጋራ

ሃሰት!የሴት የወር አበባ ዑደት እንደ እድሜዋ እና እንደ ሌሎች የጤና ሁኔታዎች ከ21 ቀን እስከ 35 ቀናት ሊደርስ ይችላል።

የወር አበባ ዑደት(cycle) ከአንድ የወር አበባ የመጀመሪያ ቀን ጀምሮ እስከ ቀጣዩ የመጀመሪያ ቀን ድረስ የሚቆጠር ሲሆን ለሁሉም ሴት ተመሳሳይ አይደለም። የወር አበባ መፍሰስ በየ21 እና 35 ቀናት ሊከሰት እና ከሶስት እስከ ሰባት ቀናት ሊቆይ ይችላል። የወር አበባ ከጀመረ በኋላ በመጀመሪያዎቹ ጥቂት ዓመታት ረጅም ዑደቶች (cycle) የተለመዱ ናቸው። ከዛም የወር አበባ ዑደቶች (cycle) እየቀነሱ ሄደው በእርጅና ጊዜ በጣም መደበኛ ይሆናሉ።

የወር አበባ ዑደትዎ (cycle) መደበኛ ሊሆን ይችላል። በየወሩ ተመሳሳይ ርዝመት ያለው ወይም የሌለው፣ ቀላል ወይም ከባድ ፍሰት ያለው፣ ህመም ያለው ወይም ህመም የሌለበት፣ ረጅም ወይም አጭር ቢሆንም ይሄ መደበኛ ተብሎ ሊቆጠር ይችላል። 

የወር አበባ ዑደቶችን መከታተል ለእርስዎ መደበኛ የሆነውን ነገር ለመረዳት፣ የእንቁላል መለቀቂያ ጊዜ (ovulation) ለማወቅ እና አስፈላጊ ለውጦችን ለመለየት ይረዳል። እንደ የወር አበባ ጊዜ ማለፍ፣ ያልተጠበቀ የወር አበባ መፍሰስ ወይም የወር አበባ ዑደት መዛባት ብዙ ጊዜ ከባድ ባይሆንም አንዳንድ ጊዜ የጤና ችግሮችን ሊያመለክት ይችላል።

የወር አበባዎ የሚያሳስብዎት ከሆነ በየወሩ የሚከተሉትን ነገሮች ያስታውሱ፦

  • የመጨረሻ ወር አበባ ቀን፦ የወር አበባዎ በተለምዶ ለምን ያህል ጊዜ ይቆያል? ከወትሮው ረዘም ያለ ወይም አጭር ነው?
  • ፍሰት፦ የበሞዲስ ላይ ፍሰት ክብደቱን ይመዝግቡ። ከተለመደው የበለጠ ቀላል ወይም ክብደት ያለው ይመስላል? የንፅህና ጥበቃን ምን ያህል ጊዜ መለወጥ ያስፈልግዎታል? የደም መርጋት አልፈዋል?
  • ያልተለመደ ደም መፍሰስ፦ በወር አበባ መካከል፣ በግብረ ሥጋ ግንኙነት ወቅት ወይም ከማረጥ በኋላ ደም እየደማዎት ነው?
  • ህመም፦ ከወር አበባዎ ጋር የተያያዘ ማንኛውንም ህመም ያስተውሉ። ህመሙ ከወትሮው የከፋ ነው?
  • ሌሎች ለውጦች፦ በስሜት ወይም በባህሪ ላይ ምንም አይነት ለውጥ አጋጥሞዎታል? በወር አበባዎ ጊዜ አካባቢ አዲስ ነገር ተከስቷል?

የወር አበባዎን መከታተል ጥቃቅን ችግሮችን ለመለየት በጣም አስፈላጊ ነው። እንዲሁም የቀን መቁጠሪያ ዘዴን እና እንደ ጡት ማጥባት ያሉ ተፈጥሯዊ የእርግዝና መከላከያዎችን እየተጠቀሙ ከሆነ የወር አበባዎን መከታተል ጠቃሚ ሊሆን ይችላል።

የወር አበባ መከታተያ መተግበሪያችን በነጻ በየኔ ሄልዝ ይገኛል።